隱世醫師— 養生貼士vol1

隱世醫師— 養生貼士vol1

呢個星期起接連15日，我都有重要任務，就是每日抽半小時陪伴一位好友到太子拜訪某位中醫，是很秘密地方，初次到坊甚至乎有點驚訝，心想神醫聖手都是隱世的嗎？！而且，100%只有熟人介紹才可會面。

假若今次好友所求成功，我定必公告大家來龍去脈，包保是天大喜訊！

好喇！由於日日同呢位醫師見面，而我們又在非office hour前往，唔使同人迫之餘，我仲可以同醫師起勢傾計，趁機偷師呢！

噚日我問醫師：「針灸係咪可以去斑呀？我想去黑眼圈啊？咁去皺紋呢？」

醫師謂：「去皺紋可以直接刺針在紋理部位，以刺激細胞活躍及肌肉收緊；去黑眼圈唔係針落眼周圍，是腎虛積聚色素，所以應刺激活躍腎功能穴位；想去斑亦同樣道理要對應腎功能，此外也可以有更直接方法。」

聽從醫師細說，去斑可以靠天然方法輔助，但需時才見效：

外塗檸檬汁或青梅汁

古時宮廷妃嬪非常貪靚，想美白淡斑但科技有限，太醫教導用新鮮青梅榨汁，外敷在有需要部位待一會兒洗去，酸性被評為可軟化皮膚、令細胞活化減淡色素，及有拉緊表皮作用。當年宮廷種植很多梅樹，自不然可以作多用途，現代，我們接觸到的青梅多是浸酒釀製，由於含有酒精會刺激皮膚，絕對不宜直接塗於皮膚上，假若找到新鮮的還可。

故此，現代做法是以檸檬代替青梅，雖然酸性不及強，卻容易在坊間找到。

檸檬酸性在營養學來說，可以暢通腸道消除胃氣，含豐富維他命C美白。檸檬皮最有益，飲檸檬茶/水連皮吃功效更好，我非常喜歡酸性食物，連皮吃掉無難度，只是公眾場合時這樣做太誇張，會有點尷尬而已。

言歸正傳，醫師謂想淡斑，建議每日一次以檸檬汁點在斑位置上，以1：3稀釋，即1份檸檬汁3份水，切記要因應自己膚質決定敷在皮膚的時間，普遍來說約一至兩分鐘便可，然後清洗，準則是若皮膚過分的起皺便是overtime了；假若皮膚是薄弱易敏的，則以1：5稀釋，即1份檸檬汁5份水。日日敷，直至色素滿意為止。

剛才說過，生果皮比肉更具營養更有益，如檸檬、柑桔、黄皮、蘋果等，這點我早已知道啊！

有一點醫師唔講又真係唔知喎，原來水果生吃比熟吃有益，以香蕉為例：

生香蕉富含蛋白質及omega 3，此時食最有益；熟至蕉皮呈現梅花點是特別香甜，但其實營養已大大流失，甚至潛在有菌，故此抵抗力弱的人吃了或許會肚痾或嘔吐。

看似微不足道的貼士，其實也是養生之道！

我以後都會「唔生唔食」了！